Love Action Drama

Love Action Drama Story: Dineshan is in love with Shoba, but she insists he give up smoking and drinking before marriage. It’s easier said than done, but will love triumph? 

Love Action Drama Review: When Dineshan first makes Shoba fall for him, he does so quite literally. He’s out to cause trouble for a cousin who is getting married, but in a comedy of errors, Shoba ends up getting hurt. Thus starts the love-not so love relationship between the duo, played with flair by Nivin Pauly and style by Nayanthara.

This is a film that will win over youngsters large-scale. Dineshan is not the regular lover boy; he comes complete with flaws. In fact, he has more flaws – he’s an alcoholic and a loafer, falling back on family wealth –than good qualities, but he loves Shoba and he’s willing to go by her conditions to clean up his act, to fully win her over. The movie’s big message is about marriage and the need to put in the effort to make things work out.

Love Action Drama is a simple, in fact, old fashioned tale, but it has many laugh out loud moments and, apart from the lead acts, who have great charisma and chemistry, Aju Varghese who plays Sagar, Nivin Pauly’s cousin and confidante, adds great entertainment.

Quite a bit of the film is propped up by the songs, which plays in the background to several scenes, so it’s a good thing that you feel like grooving to the music. Shaan Rahman’s composition gels well with the youthful vibes of the movie. Actor, and now director Dhyan Sreenivasan, shows a confidence behind the camera, that makes one think that we can see more films helmed by him. The humour is more like his brother, Vineeth, rather than father, Sreenivasan. There are some fun cameos, but we don’t want to spill all the beans.

Love Action Drama marks a promising start to the Onam releases, and will definitely appeal to youth crowds, and to families.

പ്രഖ്യാപന വേളയിൽ തന്നെ ഏറെ ശ്രദ്ധയാര്‍ജ്ജിച്ച ചിത്രമായ 'ലവ് ആക്ഷൻ ഡ്രാമ' ഏറെ കാത്തിരിപ്പുകൾക്ക് ശേഷമാണ് തീയേറ്ററുകളിലെത്തിയത്. ശ്രീനിവാസന്‍ തിരക്കഥ എഴുതി സംവിധാനം ചെയ്ത ഹിറ്റ് ചിത്രമായ 'വടക്ക് നോക്കി യന്ത്ര'ത്തിലെ ഹിറ്റ് കഥാപാത്രങ്ങളായ തളത്തില്‍ ദിനേശനേയും ശോഭയേയും 'ലവ് ആക്ഷന്‍ ഡ്രാമ' എന്ന ചിത്രത്തിൽ പുനഃസൃഷ്ടിക്കുന്നുണ്ട് എന്ന ഘടകമായിരുന്നു ചിത്രത്തെ ഏറെ ശ്രദ്ധയമാക്കിയത്. 'പുതിയ നിയമം' എന്ന മമ്മൂട്ടി ചിത്രത്തിന് ശേഷം നയൻതാര മലയാളത്തിലേക്ക് തിരിച്ചെത്തുന്നു എന്നതും 'മലര്‍വാടി ആര്‍ട്സ് ക്ലബ്ബ്' എന്ന ചിത്രത്തിലൂടെ ഹിറ്റായ കൂട്ടുകെട്ടും 'ലവ് ആക്ഷൻ ഡ്രാമ'യിലൂടെ ഒരുമിക്കുന്നു എന്ന വാര്‍ത്തയും ചിത്രത്തിന് ശ്രദ്ധ നേടിക്കൊടുത്തു. 

ധ്യാൻ ശ്രീനിവാസൻ എന്ന നടൻ്റെ സംവിധായകനിലേക്കുള്ള മാറ്റമാണ് ഈ ചിത്രത്തിലെ മറ്റൊരു സവിശേഷത. അജുവിൻ്റെ നിര്‍മ്മാതാവിലേക്കുള്ള കുപ്പായമാറ്റവും 'ലവ് ആക്ഷൻ ഡ്രാമ'യിലൂടെ സംഭവിക്കുന്നു. ഇതെല്ലാമാണ് ഒരു സിനിമാ പ്രേമി തീയേറ്ററിലേക്ക് പോകുന്നു എങ്കിൽ അതിൻ്റെ കാരണങ്ങളായി മാറിയിട്ടുള്ളത്. ഇനി സിനിമയിലേക്ക് കടക്കാം, 'ലവ് ആക്ഷൻ ഡ്രാമ' എന്ന പേര് സൂചിപ്പിക്കുന്നത് പോലെ തന്നെ പ്രണയവും നാടകവും അടിയിടിബഹളവുമൊക്കെ ചിത്രത്തിലുണ്ട്. 

നയൻതാര അവതരിപ്പിക്കുന്ന ശോഭ എന്ന കഥാപാത്രത്തെ ഒരു ഫോട്ടോയിലൂടെ കാട്ടിക്കൊണ്ടാണ് ചിത്രത്തിൻ്റെ തുടക്കം. മദ്യക്കുപ്പികളും സിഗരറ്റ് കുറ്റികളും പുകയുന്ന സിഗരറ്റുമൊക്കെ നിറഞ്ഞ വലിയ വീട്ടിൽ ആകെ തകര്‍ന്നു നിൽക്കുന്ന ദിനേശനിലൂടെയാണ് ചിത്രത്തിലേക്ക് പ്രവേശിക്കുന്നത്. പിന്നീട് അതിൻ്റെ കാരണത്തിലേക്കാണ് കഥ നമ്മെ നയിക്കുന്നത്. 

ദിനേശൻ കുട്ടിക്കാലത്ത് പ്രണയാഭ്യര്‍ത്ഥന നടത്തിയ സ്വാതി എന്ന കസിൻ്റെ കൂട്ടുകാരിയാണ് ശോഭ. ശോഭയും കൂട്ടുകാരും സ്വാതിയുടെ വിവാഹത്തിന് ചെന്നൈയിൽ നിന്ന് നാട്ടിലെത്തുന്നതോടെയാണ് ചിത്രം ആരംഭിക്കുന്നത്. ഇവരെ കൂട്ടിക്കൊണ്ടുവരാൻ എയര്‍പോര്‍ട്ടിലേക്ക് എത്തുന്ന സാഗര്‍ വീട്ടിലേക്കുള്ള യാത്രയിൽ ദിനേശനെ കുറിച്ച് വർണിക്കുന്നു. പണ്ട് പ്രണയം നിരസിച്ച കസിൻ്റെ കല്യാണത്തിന് മൂക്കറ്റം വെള്ളമടിച്ച് എത്തുന്ന ദിനേശനെ കല്യാണത്തലേന്നത്തെ പാര്‍ട്ടിയിൽ വെച്ച് ശോഭ കണ്ടു മുട്ടുന്നു. 

പിന്നെ സര്‍വ്വസാധാരണമായ പ്രണയകഥയിലെ നായികയെയും നായകനെയും പോലെ തന്നെ ആദ്യം വെറുപ്പ്, പിന്നെ സ്നേഹം, പ്രണയം, അടി ഇടി ബഹളം, പിന്നെ ഏറ്റവുമൊടുവിൽ കല്യാണം, ഇതാണ് സിനിമയുടെ ട്രാക്ക്. ചെന്നൈ സ്വദേശിയായ ശോഭ കൂട്ടുകാരി സ്വാതിയുടെ കല്യാണം കഴിഞ്ഞ് തിരിച്ച് നാട്ടിലേക്ക് പോയ ശേഷം ദിനേശന് വളരെ ഫോ‍ര്‍മലായി, താങ്സ് മെസേജ് അയക്കുന്നു. ഇത് കണ്ട വേലയും കൂലിയുമില്ലാതെ വീട്ടിൽ വെറുതെ കുത്തിയിരിക്കുന്ന നായകനായ ദിനേശൻ ചെന്നൈയ്ക്ക് പറക്കുകയാണ് (അപ്പനപ്പൂപ്പന്മാരായി ഉണ്ടാക്കി വെച്ചിരിക്കുന്ന സമ്പാദ്യം കണ്ടു മോഹിച്ച് കഴിയുന്ന നായകൻ കൂടിയാണ് ദിനേശൻ എന്ന് കൂടി പറയട്ടെ). പിന്നാലെ വാലുപോലെ സാഗറും എത്തുന്നു. പിന്നെ കഥ നടക്കുന്നത് ചെന്നൈയിലാണ്. ചെന്നൈയിൽ നടക്കുന്ന സ്റ്റണ്ടൊക്കെ ആയതിനാലാവണം, ചിത്രത്തിലെ ആക്ഷൻ രംഗങ്ങൾ തമിഴ് സിനിമകളെ വെട്ടിക്കും. ചിത്രത്തിനായി തട്ടുപൊളിപ്പൻ ആക്ഷൻ രംഗങ്ങൾ ഒരുക്കിയിരിക്കുന്നത് സ്റ്റണ്ട് ശിവയും സുപ്രീം സുന്ദറും ചേര്‍ന്നാണ്. പിന്നൊരു കാര്യം പറയാതിരിക്കാൻ പറ്റില്ല, ചിത്രത്തിൽ ആദ്യന്തം മദ്യത്തിൻ്റെ വിളയാട്ടമാണ്. സാഗറിനും ദിനേശനും മദ്യക്കുപ്പി വിട്ടൊരു കളിയില്ല. 

ഇതിനിടെ അവിടിവിടെയായി വന്നു പോകുന്ന അല്ലറചില്ലറ തമാശകൾ. നിറപ്പകിട്ടാര്‍ന്നതാണ് ചിത്രത്തിന്‍റെ മേക്കിങ്ങ്, ചിത്രത്തിനായി ജോമോൻ ടി. ജോണും റോബി വര്‍ഗീസ് രാജും ചേര്‍ന്ന് ഒരുക്കിയിരിക്കുന്ന വിഷ്വൽസ് അതിഗംഭീരമാണ്. സിനിമ ആകെമൊത്തത്തിൽ കണ്ടിരിക്കാൻ കളറാണ്. ആ ഒരു നിറക്കാഴ്ച മാത്രമാണ് ചിത്രത്തിൻ്റെ ആകെയൊരു പ്ലസ് പോയിൻ്റ്. ഓരോ ഫ്രെയിമുകളും നമ്മള്‍ ഇഷ്ടപ്പെട്ടു പോകും വിധമുള്ള ചിത്രീകരണമാണ്. ആദ്യ പകുതി വരെ ഒരു പക്കാ ലവ് ഡ്രാമയാണ്, പ്രണയ നാടകം. 

പ്രേക്ഷകരെ പിടിച്ചിരുത്താൻ ഉതകാത്ത വിധത്തിലുള്ള പോക്കാണ് തിരക്കഥയുടേതെന്ന് പറയാതെ വയ്യ. കോളേജ് കുട്ടികള്‍ക്ക് ഒരുപക്ഷേ ഏറെ ഇഷ്ടപ്പെട്ടേക്കാവുന്ന വിധത്തിലുള്ള സിനിമ എന്നതാണ് തീയേറ്ററിൽ നിന്ന് അനുഭവപ്പെട്ടത്. പക്ഷേ മറ്റുള്ളവർ ഏതുരീതിയിൽ ചിത്രത്തെ സമീപിക്കുമെന്ന് കണ്ടറിയണം. 

സാധാരണ പ്രേക്ഷകന് ദഹിക്കാൻ കഴിയാത്ത തരത്തിലുള്ളതാണ് കഥാഗതി. 'വടക്ക് നോക്കിയന്ത്ര'ത്തിലെ തളത്തിൽ ദിനേശൻ, ശോഭ എന്നീ കഥാപാത്രങ്ങളുടെ പേര് എന്തിനാണ് നായകനും നായികയ്ക്കും നൽകിയതെന്ന ചേദ്യത്തിന് ചിത്രം ഉത്തരം നൽകുന്നില്ല. ഒന്നാലോചിച്ച് നോക്കിയാൽ അത് ഒരു ബിസിനസ് ട്രിക്ക് മാത്രമാകാനേ തരമുള്ളൂ. ഇതിപ്പോൾ കഥാപാത്രങ്ങളുടെ പേര് നയൻതാര എന്നും നിവിൻ പോളി എന്നും ആയിരുന്നാലും നോ ഇഷ്യൂ. അത്രത്തോളം മാത്രമാണ് ചിത്രത്തിൽ കഥാപാത്രങ്ങളുടെ പേരിൻ്റെ പ്രസക്തി എന്ന് പറഞ്ഞുവെന്നേയുള്ളൂ. 

ചിത്രത്തിൻ്റെ തിരക്കഥയിൽ ചെറുകല്ലുകടി പലഭാഗത്തും അനുഭവപ്പെട്ടു. പറഞ്ഞു പഴകിയ ശൈലി ഒന്നു പൊടിതട്ടിയെടുത്ത വിധത്തിലാണ് ധ്യാൻ ശ്രീനിവാസൻ എഴുതിയ കഥയുടെ പോക്ക്. ഒന്നുകൂടി ആത്മാര്‍ത്ഥമായി പരിശ്രമിച്ചിരുന്നെങ്കിൽ ആ പാളിച്ച ഒഴിവാക്കാമായിരുന്നു എന്ന് തോന്നി. ചിത്രത്തിൻ്റെ ആദ്യപകുതിയിൽ അനുഭവപ്പെട്ട ഇഴച്ചിൽ രണ്ടാം പകുതിയിൽ ഉണ്ടായിരുന്നില്ലെന്നതാണ് ഒരാശ്വാസം. ഭയങ്കരമായ വമ്പൻ ട്വിസ്റ്റോ ഒന്നും പ്രതീക്ഷിക്കാനുള്ള ഇടം ധ്യാൻ ആദ്യം മുതലേ പ്രേക്ഷകര്‍ക്ക് നൽകാതെയിരുന്നതിനാൽ തന്നെ ചിത്രത്തിൻ്റെ ക്ലൈമാക്സ് പ്രതീക്ഷിക്കാവുന്നതേ ഉണ്ടായിരുന്നുള്ളൂ. 

പ്രത്യേകിച്ചൊരു കഥയുണ്ടെന്ന് പറയാനില്ല. വെറുതെ ഒരു എന്‍റര്‍ടെയ്ൻമെന്‍റിനായി കണ്ടിരിക്കാമെന്ന് മാത്രം. നിവിൻ പോളിയും അജു വര്‍ഗ്ഗീസും ചേര്‍ന്നുള്ള സീനുകളൊക്കെ പതിവുപോലെ തന്നെ നന്നായി, ൽപം വെറുപ്പിക്കലായെങ്കിലേയുള്ളൂ. അതോടൊപ്പം നിവിനും അമ്മയായെത്തിയ മല്ലിക സുകുമാരനും തമ്മിലുള്ള കെമിസ്ട്രിയും അത്രത്തോളം തന്നെ മികച്ചതാണെന്ന് എടുത്തു പറയണം. നായികയായെത്തിയ നയൻ താരയും മോശമായിട്ടില്ല. തമിഴിൽ ഏറെ അഭിനയപ്രാധാന്യമുള്ള സിനിമകളിൽ ഇതിനകം അഭിനയിച്ചുകഴിഞ്ഞ നയൻസിന് വലിയ വെല്ലുവിളി ഉയര്‍ത്തുന്ന വേഷമൊന്നുമല്ല ചിത്രത്തിലേത്. ചിത്രത്തിൽ ഒരു കഥാപാത്രമായി വിനീത് ശ്രീനിവാസനും ശ്രീനിവാസനും ഒരു ഗാനരംഗത്തിൽ സംവിധായകനായ ധ്യാൻ ശ്രീനിവാസൻ വരെ പ്രത്യക്ഷപ്പെടുന്നുണ്ട്.

'മിഖായേൽ' എന്ന മാസ് ഹീറോ പരിവേഷമുള്ള നായകന് നേരിട്ട തിരിച്ചടി മറയ്ക്കാനുള്ള താരത്തിൻ്റെ മനഃപ്പൂർവ്വമായ ട്രാക്ക് മാറ്റാനുള്ള ശ്രമമാണോ ലവ് ആക്ഷൻ ഡ്രാമ എന്ന സംശയം, പലര്‍ക്കും തോന്നാതിരിക്കാൻ തരമില്ല. തന്‍റെ സ്ഥിരം പ്രണയ നായകനായുള്ള സേഫ് സോണിലേക്ക് നിവിൻ തിരിച്ചു പോയിരിക്കുകയാണ് ചിത്രത്തിലൂടെ എന്നത് സുവ്യക്തമാണ്. 

ഷാൻ റഹ്മാൻ ഒരുക്കിയിരിക്കുന്ന പാട്ടുകളും പശ്ചാത്തല സംഗീതവും ഏറെ മികച്ചതാണ്. വിവേക് ഹര്‍ഷനാണ് ചിത്രസംയോജനം നിര്‍വ്വഹിച്ചിരിക്കുന്നത്. ഓണച്ചിത്രമായി തീയേറ്ററുകളിലെത്തിയിരിക്കുന്ന ലവ് ആക്ഷൻ ഡ്രാമ മറ്റ് ഓണച്ചിത്രങ്ങൾക്കിടെ മുങ്ങിപ്പോകാനുള്ള സാധ്യത വളരെ വലുതാണ്. എങ്കിലും യുവജനങ്ങളെ ലക്ഷ്യമിട്ട് ഒരുക്കിയിരിക്കുന്ന ലവ് ആക്ഷൻ ഡ്രാമ പ്രേക്ഷകര്‍ എത്രത്തോളം സ്വീകരിക്കുമെന്നത് കണ്ടു തന്നെ അറിയണം